Тимелпроект ДООЕЛ Скопје е мултидисциплинарна приватна инженерска компанија која нуди врвни консултантски услуги, проектирање, инженеринг и изведба во енергетската индустрија.
Тимелпроект обезбедува планирање, технички и економски услуги за клиенти од електростопанството, индустријата, владата, финансиските институции, меѓународните енергетски корпорации и меѓународната донаторска заедница. Тимелпроект е компанија признаена како една од водечките компании во областа на енергетскиот консалтинг, проектирање и изведба, со долгогодишно искуство во планирањето и проектирањето на електроенергетски системи, изработката на мастер планови за пренос и дистрибуција на електрична енергија, физибилити студии на пазарот на електрична енергија, детални истражувања, технички решенија за индустриски постројки, и енергетска ефикасност и развој на проекти за обновлива енергија. Широкиот спектар на клиенти го вклучувa електростопанството, финансиските институции, термоцентрали и хидроцентрали, рударски и металуршки објекти, производствени погони, независни производители на електрична енергија, сопственици на комерцијални објекти, креатори на развојни проекти, телекомуникациски компании и меѓународни развојни организации за консултации, проектирање, инсталација, проширување, надградба, модернизација или консолидација на постојните системи, или изградба на нови системи.
Компанијата ги користи своите знаења во индустријата и високо стручната, техничка експертиза која ја поседува за испорака на конкретни услуги во енергетскиот сектор. Како проектант и изведувач на проекти од комерцијалниот, индустрискиот и електростопанскиот сектор, Тимелпроект изведува инфраструктура и нуди ефективни и одржливи решенија, истовремено справувајќи се со прашањето на влијанието врз животната средина на одржлив начин.